Facebook kompaniyasi asoschisi va bosh direktori Mark Tsukerberg qizi dunyoga kelgach, ikki oylik mehnat ta'tiliga ketishini ma'lum qildi. U bu haqda ijtimoiy tarmoqdagi o‘z sahifasida aytib o‘tgan.
“Bu juda shaxsiy qarordir. Qizim dunyoga kelgach, ikki oylik mehnat ta'tiliga chiqishga qaror qildim”, — deyiladi xabarda.
Bu vaqtga qadar uning o‘rnida kompaniyani kim boshqarishi haqida ma'lum qilinmagan. Bunga eng yaqin nomzodlar sifatida Facebook operatsion direktori Sheril Sendberg va mahsulotlar bo‘yicha vitse-prezident Kris Koks nazarda tutilmoqda.