Эрон ҳукумати нефть экспорт қилувчи давлатлардан нефть ишлаб чиқариш ҳажмини камайтиришни сўради. Бу ҳақда "РИА Новости" нашри хабар тарқатган.

Бу ҳақдаги маълумот Эрон нефть вазири Бижан Намдар Зангане томонидан айтилган.

"ОПЕК давлатлари келишилганидан ортиқ нефть ишлаб чиқармаслиги керак. Мен улардан белгиланган квоталар бўйича нефть чиқаришни ва ҳозирдаги миқдорларни камайтиришни сўрайман", деган Зангане.

Унинг айтишича, бу Эрон ҳам қисқартиришлар амалга оширишини англатмайди.
"Бозорга қайтиш - бизнинг ҳуқуқимиз", деган вазир.

Бироз олдинроқ, Занганининг ўринбосари Амир Хосайн Заманиний Эронда кунига нефть етиштириш кўрсаткичи 1 млн баррелга етказилишини маълум қилганди.