Ўзбекистон 2015 йил кўрсаткичларига кўра, 189 мамлакат бўйича тузилган бизнесдаги солиқ юки бўйича рейтингда 115 ўринни эгаллади. Бундай рейтинг Жаҳон банки ва PwC аудитор компанияси ҳамкорлигида тузилган.

Рейтингда кўриш мумкинки, Ўзбекистон номи Тринидат ва Тобаго ҳамда Микронезия ўртасида жойлашган.

Total Tax Rate компанияси модели бўйича Ўзбекистонда бизнесдаги солиқ юки ҳажми 41,1 фоизга тенг бўлган. Дунё давлатларининг ўртача кўрсаткичи эса 40,8 фоизни ташкил қилган.

Рейтингда Россия 47 ўринда (TTR - 47 фоиз) қайд этилган. Беларусь 63 ўринда (TTR - 51,8 фоиз), Украина (TTR - 52,2 фоиз), Грузия 40 ўринда (TTR - 16,4 фоиз), Молдова 78 ўринда (TTR - 40,2 фоиз), Арманистон 41 ўринда (TTR - 19,9 фоиз), Болгария 88 ўринда (TTR - 27 фоиз).

Ҳар йили Жаҳон банки ва PwC аудит компанияси Doing Business рейтинги бўйича дунёдаги давлатларнинг солиқ тизимини ўрганади.

Бундай рейтинг тузилишида солиқ тўловчилар ҳажми, солиқларни тўлаш муддатлари ва солиқ имтиёзлари ҳисобга олинади.