«Darakchi» gazetasi taniqli boshlovchilarning to‘ylardagi xizmat haqlari bo‘yicha reytinglarini tuzib chiqdi. To‘ylarga borish narxlari «shartli birliklar»da ko‘rsatilgan (1 «shartli birlik» = 1000 dollar).
Unga ko‘ra, to‘yda boshlovchilik xizmatini ko‘rsatuvchilar orasida birinchi o‘rinni Dilnoza Kubayeva egalladi — u 1 «shartli birlik» evaziga to‘yni o‘tkazib beradi, ya'ni 1000 dollar.
Boshlovchilar ichida kuchli uchlikni Dildora Rustamova (400 dollar ) va Davron Kabulov (400 dollar) to‘ldiradi.
Keyingi o‘rinlarda Rayhon Ulasenova va Jahongir Mirzo (400 dollardan), Rixsitilla Abdullayev (300 dollar) Tolib Mo‘minov (200 dollar) va Mehriddin Rahmatov (150 dollar) nomlari qayd etilgan.
«Darakchi» tadqiqotiga ko‘ra, to‘ylardagi navbatchiliklarni hozir asosan 3 yoki 4 nafar yigit-qizlardan iborat guruhlar olib borayotgani va ularning belgilangan qiymatlari hamyonbopligi aytildi. Ko‘pincha taniqli xonandalardan ko‘ra yoshlardan iborat yangi guruhlarga murojaat qilish to‘y egalariga osonroq bo‘lmoqda.
Xabar qilinishicha, «San'at» guruhi 1,500 dollar, «Sharq» 1,200 dollar, «Karavan», «Eldido» va «Poytaxt» guruhlari esa 600 dollar evaziga navbatchilik qiladi.
Bundan tashqari, 300 dollar evaziga to‘yni «qizitib» beradigan guruhlar ham borligi qayd etilgan.