Яна бир ўзбекистонлик дзюдочи Циндаодаги турнирда совриндор бўлди

Спорт 21 Ноябрь 2015 1611

Хитойнинг Циндао шаҳрида дзюдо бўйича Гран-При турнири давом этмоқда. Мусобақада 59 давлатнинг жами 379 нафар дзюдочилари татамига чиқишяпти. Улар орасида Андрей Штурбабин бош мураббийлигидаги Ўзбекистон терма жамоаси полвонлари ҳам бор.

Гран-Прининг иккинчи кунида Ўзбекистон терма жамоаси ҳисоби яна битта медалга бойиди.

73 кг вазн тоифасида иштирок этган Мирали Шарипов учинчи ўрин учун Шимолий Корея вакили Чол Гван Кимга қарши жанг олиб бориб, ғалаба қозонди.

Бу вазн тоифасида чемпионлик Япония вакили Соичи Хасимотога, кумуш медал эса озарбайжонлик Рустам Оружовга насиб этган.

Бунгача, Гран-Прининг илк куни татамига чиққан 60 кг вазн тоифасидаги Шарофиддин Лутфуллаев бронза медалига сазовор бўлганди. Ўз гуруҳида аввалига хитойлик Жиан Кю Ан, кейин канадалик Серхио Пессоани мағлуб этган Лутфуллаев голландиялик Жерон Муренга ютқазиб қўйди.

Ўтиш турнирида қатнашган Лутфуллаев мўғулистонлик Херлен Гандболни мағлуб этди. Бронза медали учун кечган баҳсда эса қозоғистонлик Айбек Имашевни енгиб, совриндорлар сафидан жой олди.

Ушбу Гран-При турнирида Рио-2016 Олимпиадасига муҳим рейтинг очколари ўйналяпти. Ғолиб дзюдочи 300 рейтинг очкосига эга бўлади. Иккинчи ўрин эгалари 180, учинчи ўрин соҳиблари 120 рейтинг очкосини ўз ҳисобларига ёзиб қўйишади.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22414 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24647 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12700 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53978 Жамият
Тиббиётдаги энг хавфли 10 жараён
19:31 313 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 755 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 726 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 1837 Спорт
Кўпроқ янгиликлар