Янги Зеландиянинг Фокс-Глейшер (Фокс музлиги) туманида 21 ноябрь, шанба куни вертолёт қулади. Миллий қутқарув хизматининг маълум қилишича, бортдаги учувчи ва олти нафар йўловчи ҳалок бўлган. Бу ҳақда мамлакат ОАВ хабар бермоқда.

Фалокат сабаблари ўрганилмоқда. Бунга парвоз амалга оширилган тумандаги ноқулай об-ҳаво шароити ҳам сабаб бўлган бўлиши мумкин, деган тахминлар ҳам йўқ эмас.

Маълумот учун айтиб ўтиш керакки, Фокс-Глейшер — Янги Зеландиянинг Жанубий оролида жойлашган Вестленд хиёбонидаги музликдир. У сайёҳлар орасида жуда машҳур жой ҳисобланади.