Бугун Аргентинада президентлик сайловларининг иккинчи тури ўтказилади. Мамлакат фуқаролари Кристина Фернандес де Киршнер ҳамда унинг турмуш ўртоғи Нестор Киршнернинг умумий 12 йиллик президентлигидан сўнг қандай йўлдан боришларини бугун ҳал қиладилар.
Президентликка икки кишининг номзоди кўрсатилган – ҳукмрон “Ғалаба фронти” альянси вакили Даниэль Сциоли ва “Республикачи таклиф” мухолиф консерватив партияси вакили Маурисио Макри. Киршнер хонимнинг ўзи кетма-кет учинчи марта номзодини кўрсата олмайди.
Сайловда 18 ёшдан 70 ёшгача бўлган барча фуқаролар иштирок этади. Мамлакатнинг 40.1 млн кишилик аҳолисидан 32 млн нафари сайловларда иштирок этади.