Андижон вилояти Балиқчи тумани прокурорининг ўринбосари Зафарбек Ғуломжоновнинг маълумот беришича, туманнинг айрим қишлоқ ва маҳаллаларида ортиқча нафақа пуллари тўлаб юборилганлиги текширув чоғида аниқланган.
Хусусан, Бўстон ҚФЙ бўйича 15та, Гулистон ҚФЙ бўйича 10та, Сиза ҚФЙ бўйича 6та ҳолатда нафақа пуллари ортиқча ҳисобланиб, нотўғри тўлангани аниқланди.
Хусусан, Аралхон МФЙда фуқаро Т. Саримсақованинг 14 ёшга тўлмаган фарзандига 63 мингдан ошиқроқ, М. Турғуновага 100 минг сўмга яқин ҳамда Д. Машраповага 20 минг сўм нафақа пуллари нотўғри ҳисоблаб тўланган.
Бу борада ўтказилган текширишлар давомида 36та ҳолатда жами 3 млн сўмдан ортиқ нафақа пуллари нотўғри тўлаб юборилганлиги аниқланди.
Текширишлар натижасига кўра аниқланган ҳолатлар юзасидан 4та тақдимнома киритилди ҳамда 36 нафар шахсга нисбатан маъмурий жавобгарликка оид иш қўзғатилди.