Россия ҳарбийлари ИШИДга қарши кампанияга қўшилганидан кейин ўтган 2 ойга яқин вақт ичида уларга қарши АҚШ бошчилигидаги коалициянинг 1 йил давомида қилган ҳаракатларидан кўра самаралироқ иш олиб борган ва кўзга кўринарли натижаларга эришган. Бу ҳақда Сурия президенти Башар Асад гонгконгликларнинг Phoenix TV телеканалига берган интервьюсида айтиб ўтган.

Унинг гаплари матни SANA агентлиги томонидан нашр қилинган.

Ассаднинг сўзларига кўра, Россия самолётлари томонидан берилаётган авиазарбалар жангарилар Сурияни тарк этиб, Туркия ва бошқа қўшни мамлакатларга қочиб кетишига сабаб бўлмоқда.

Эслатиб ўтамиз, Россия 31 сентябрь куни Башар Асаднинг илтимосига кўра, Сурия ҳудудидаги ИШИД жангариларига қарши ҳарбий ҳаракатлар амалга оширишга киришганди.