Берлиндаги Kaufhaus des Westens супермаркети Исроилда ишлаб чиқарилган маҳсулотни сотувдан чиқарди. Бу ҳақда Haaretz нашри ёзмоқда.
Айтилишича, бу чора Еврокомиссия Исроилдан келган, Иордан дарёсининг ғарбий қирғоғи ва Голан тепаликларида ишлаб чиқарилган барча товарлар акциз маркаларига эга бўлишини талаб қилган.
ЕИ Исроил Иордан дарёсининг ғарбий қирғоғини, Ғазо сектори, Шарқий Қуддус ва Голан тепаликларини оккупация қилганини тан олади. Илгари бу ҳудудларда ишлаб чиқарилган маҳсулотларга махсус маркировка қўйишни Буюк Британия, Бельгия ва Дания талаб қилган эди. Энди бу қоидага ЕИнинг барча 28 давлати қўшилди.
Супермаркет вакили тегишли белгилар берилиши билан маҳсулот яна сотувга чиқишини ваъда қилди. Ўз навбатида, пойтахтдаги бошқа супермаркетлардан бири савдо сиёсати давлат сиёсатига боғлиқ эмаслигини таъкидлаб, маҳсулотни расталарда қолдирди.