Туркиянинг Turkish Airlines компаниясига тегишли, Канада Галифакс аэропортида фавқулодда қўнишга мажбур бўлган самолёт бортидан бомба топилмади. Бу ҳақда Anadolu агентлиги хабар бермоқда.

Самолёт унинг бортида бомба борлиги ҳақидаги ёлғон хабар туфайли қўндирилган эди.
Туркиянинг Канададаги элчиси Селчук Уналнинг маълум қилишича, полиция текширувни якунлаган, йўловчилар секин-аста бортга қайтарилиши мумкин.