КХДР ҳукумати, агарда Корея Республикаси расмийлари Сариқ денгизда бирор-бир ҳаракатларни амалга оширса, Пхеньянга тегишли ҳудудларга қарата ўт очса, бунинг жавоби оғир бўлишидан огоҳлантирди. Бу ҳақда Рёнхап агентлиги хабар бермоқда.
Айтилишича, бу баёнот Ёнпхёндо оролидаги воқеанинг беш йиллиги арафасида берилган. Ўшанда, 2010 йилнинг 23 ноябрида Сариқ денгизда икки давлат ўртасида артиллерия отишмаси рўй берган эди.
Шимолий Корея ҳарбийларидан бирининг ишонтиришича, Сеул “КХДРнинг ҳудудий сувларида яна ҳужум ҳозирламоқда”.