"Реал" жамоаси бош мураббийи Рафаэль Бенитес 1 ҳафта ичида истеъфога чиқарилиши мумкин.

Marca нашри хабарига кўра, мадридликлар жамоаси президенти Флорентино Перес "Барселона" билан ўйиндаги йирик мағлубият (0:4) туфайли у билан шартномани бекор қилиш қарорига келган.

Шу билан биргаликда, Перес мавсум ўртасида бош мураббийни ишдан бўшатишдан манфаатдор эмаслиги таъкидланган. Бу масала 1 ҳафта ичида кўриб чиқилиши айтилган.
Бенитес билан ҳамкорликнинг тўхтатилиши жамоа футболчиларига унинг ҳимоявий ўйини ёқмаётгани сабаб бўлиши ҳам мумкин.

Перес мавсум чемпионлиги учун курашдан барвақт чиқишни истамаяпти.

Бенитесни ишдан бўшатиш ҳақидаги қарор қабул қилиниши ҳақидаги қарор унинг ўрнига кимни олиб келиш масаласи ҳал бўлса, қабул қилиниши мумкин. Айнан шу омил бу қарорнинг шошилинч тарзда чиқарилишини тўхтатиб турибди.

Бироз олдинроқ, "Реал"га Бенитесдан кейин Зинедин Зидан мураббий бўлиши ҳақида хабар берилганди.

Лекин Зидан мавсум ўртасида жамоани қабул қилиб олмаслигини билдирган.