ОАВ: Жанубий Кореянинг собиқ президенти Ким Ён Сам вафот этди

Жаҳон 22 Ноябрь 2015 3251

Жанубий Кореянинг собиқ президенти Ким Ён Сам 87 ёшида вафот этди. Бу ҳақда “Ренхап” ахборот агентлиги маълум қилди.

Маълумотларга кўра, Ким Ён Сам 19 ноябрда баланд ҳарорат билан шифохонага ётқазилган. Маҳаллий вақт билан 22 ноябрь соат 00:21 да (Тошкент вақти билан 21 ноябрь 20:21 да) шифокорлар унинг ўлимини қайд қилишди.

Ким Ён Сам 1927 йил 20 декабрда таваллуд топган. У Жанубий Корея демократик ҳаракатининг кўзга кўринган намояндаси бўлган ҳамда 1993 йил 25 февралидан 1998 йил 25 февралигача мамлакат президенти лавозимини эгаллаган. У ўнлаб йиллар давомида ҳарбий диктаторларга қарши курашган ва тарихида бир нечта ҳарбий тўнтаришларни бошидан кечирган мамлакатда ҳокимиятни тинчлик йўли билан топширишга асос солган. Ким Ён Самнинг ортидан рафиқаси, 2 ўғил ва уч қизи қолди.

Кўпроқ янгиликлар