"Манчестер Юнайтед" жамоаси бош мураббийи Луи ван Гаал "Реал" ҳужумчиси Криштиану Роналдунинг Англияга қайтиши эҳтимоллари ҳақида фикр билдирди.

"Биз барча кучли футболчиларни кузатамиз. Фақат Роналду эмас, бир нечта футболчиларга эътиборимизни қаратганмиз. Лекин бу футболчиларнинг кўпчилигини қўлга киритиб бўлмайди. Криштиануга тўхталадиган бўлсам, келинг кутамиз ва умид қиламиз. Ушбу футболчини ёқтирмайдиган мураббий дунёда бўлмаса керак", — дейди ван Гаал.

Қайд этиш керакки, португалиялик футболчи Бенитес билан келишмовчилик туфайли Мадридни тарк этиши мумкинлиги ҳақида миш-мишлар тарқалган.

Эслатиб ўтамиз, Роналду "МЮ"да 2003 йилдан 2009 йилгача ўйнаган. У 2009 йилда 80 млн фунт эвазига "Реал"га ўтганди. Унинг мадридликлар билан шартномаси 2018 йилгача тузилган.