“Саҳоват” уй-интернатларини Ўзбекистонда ишлаб чиқарилмайдиган замонавий қурилма ва жиҳозлар билан таъминлаш дастури бўйича грант ажратилиши аризасини кўриб чиқиш муносабати билан жорий йилнинг 20 ноябрида Андижондаги уй-интернатга Япониянинг Ўзбекистондаги биринчи котиби Мукаи Шиничи ташриф буюрди.

Япониялик меҳмоннинг уй-интернатга ташрифи давомида у муассасада ёлғиз кексалар ва фахрийларнинг яшаши, даволаниши ва хордиқ чиқариши учун ташкил этилган қулай шароитлар билан таништирилди.

Мукаи Шиничи уй-интернат ҳудудидаги капитал қурилаётган янги объектлар ҳамда уй-интернатда яшовчиларнинг саломатлиги қандай мустаҳкамланиши ва бунда ишлатиладиган ускуналар билан танишди, уй-интернатдагиларнинг даволаниши ва қулай яшашини таъминлаш учун янги қурилма ва жиҳозлар борасида мутахассисларнинг фикрини эшитди.