Нью-Жерси штатининг айрим фуқаролари 2001 йилнинг 11 сентябрь куни Нью-Йорк шаҳридаги Жаҳон савдо ташкилотининг эгизак биноларнинг вайрон бўлганидан хурсанд бўлишган, деди Республикачилар партиясидан АҚШ президентлигига номзод, америкалик номзод Дональд Трамп.

“Нью-Жерсида кўплаб араблар яшайдиган нариги қирғоқда (Гудзон дарёси) ЖСТ қулаганда хурсанд бўлганлар бор эди, - деди Трамп АВС телеканали эфирида. – Бу содир бўлди. Мен кўрдим. Телевизор орқали намойиш қилишди”. У айнан қайси телеканал ва қайси мамлакатда ушбу кадрларни намойиш қилганига ойдинлик киритмади.

АҚШ ва Нью-Жерси штати ҳукумати эса миллиардернинг мазкур воқеаларга бу каби муносабат айнан Нью-Жерси шаҳрида содир бўлганини инкор этиб чиқишди.
“Трамп ноҳақ, у томонларнинг ҳиссиётини жунбушга келтирадиган масалани сиёсийлаштирмоқда, - деди Жерси-Сити шаҳри мэри Стивен Фулоп. – 11 сентябрда Жерси-Ситида ҳеч ким хурсанд бўлгани йўқ. Аксинча, биз Манхэттенга биринчилардан ёрдам кўрсатишга ошиққанлардан бўлдик”.

Шаҳар раҳбарининг сўзларига кўра, Трамп хотира билан боғлиқ муаммога дуч келган ёки ҳақиқатни нотўғри талқин қилаяпти.
Эслатиб ўтамиз, 2001 йилнинг 11 сентябрь куни Нью-Йорк, Вашингтон ва Пенсильванияда содир бўлган қўпорувчилик ҳаракатлари натижасида қарийб 3 минг киши ҳаётдан кўз юмган, 6 минг киши эса жароҳатларган эди. Ҳалок бўлганлар орасида дунёнинг 90 мамлакати фуқаролари бор.