Анқара Сурияда ҳужумга учраётган туркманларни ҳимоя қилиш учун чоралар кўриши мумкин. Бу ҳақда Туркия бош вазири Аҳмад Довудўғли маълумот берди.

Жума куни мамлакат ТИВ хабар қилганидек, Россиянинг Анқарадаги элчиси Андрей Карлов ташқи сиёсий идорага чақирилиб, унга Россия ҳаво космик кучлари Суриядаги туркман ҳудудларини, жумладан, Байирбужоқ туманини бомбалаётгани муносабати билан эътироз нотаси топширилган эди.

Anadolu агентлигининг маълум қилишича, Туркия БМТ Хавфсизлик Кенгашига бу масалани дарҳол кўриб чиқиш талаби билан мурожаат йўллаган.
“Агар ҳужумлар давом этса, Туркияга келаётган қочқинлар оқими тинмайди, шунда Сурияда ҳам, Туркияда ҳам зарурий чоралар кўрилади.

Биз, шунингдек, биродарларимиз ва сингилларимизни ҳимоя қилиш учун зарурий барча дипломатик чораларни ҳам кўрамиз”, - таъкидлади Довудўғли журналистлар билан мулоқот чоғида.