13 ноябрь куни Парижда содир этилган терактдан сўнг, пойтахт полицияси Париж ҳудадида 300 га яқин тинтув ишини ўтказди. Бу ҳақда Париж полицияси раҳбари Мишель Кадо хабар бермоқда.

"Аниқ қилиб айтадиган бўлсак, 298 та тинтув олиб борилди”, - деб унинг сўзларидан иқтибос келтиради AFP.

"Хавф даражаси юқорилигича қолмоқда, - деди Кадо. – Биз ИШИД террорчилик ташкилотининг интернет орқали Францияга қарши тарғиботларини аниқладик”.

Унинг сўзларига кўра, пойтахт ҳудудида олиб борилган тинтувларда 10200 нафар полициячи ва 6400 ҳарбий хизматчи иштирок этган.