Германия ҳукумати мамлакатга ташриф буюраётган қочқинлар сони ўсганилигини эътироф этди, деб хабар бермоқда Deutsche Welle.

Германия полицияси маълумотига кўра, ноябрь ойида муҳожирлар сони 180 минг нафарга етган. Октябрь ойида бу кўрсаткич 181 минг нафарни ташкил этган эди.

Ўтган якшанба куни 14 482 янги муҳожир рўйхатдан ўтказилган. Охирги икки ҳафта мобайнида Германияга ҳар куни 7–8 минг қочқин келган.

5 ноябрь куни мамлакат чегарасидан ўтган қочқинлар миқдори рекорд даражага кўтарилган эди — 10 минг нафар.

Маълум бўлишича, Германия ҳукумати жорий йил ҳисобидан 800 минг нафар муҳожирни қабул қилишни режалаштирган. Шунга қарамай октябрь охирида 758 минг муҳожир рўйхатдан ўтиб бўлган.