Ироқнинг Мосул шаҳрида ижтимоий тармоқларда экстремизмни танқид қилган 12 нафар талаба ИШИД жангарилари томонидан қатл қилинди, дея хабар берди ВВС гувоҳлар маълумотига асосланган ҳолда.

Ахборот манбасининг хабарига кўра, Ироқ хавфсизлик органлари талабалар жасадларини маҳаллий ўликхонадан топишди.

Қайд этилишича, 2014 йилда ИШИД томонидан эгаллаб олинган шаҳарда қаттиқ полиция тартиби жорий этилган. У ерда шариат қоидалари ҳукм суриб, мусулмон динига мансуб бўлмаганлар Мосулдан қувиб чиқарилган.