Калифорния штатидаги Сан-Диего шаҳрида 10 киши “спайс” гиёҳвандлик моддасини истеъмол қилганидан сўнг вафот этди, дея хабар бермоқда Los Angeles Times.

Қайд этилишича, оламдан ўтганларнинг беш нафари катта ёшли, беш нафари эса вояга етмаганлардир. Уларнинг ёши 13дан 28гача бўлган.
Улар сиёҳранг аждар расми тасвирланган қора халтачаларга солинган ҳолда тарқатилган сунъий наркотик моддани истеъмол қилишган.

Аввалроқ эса 2015 йилнинг биринчи ойларида АҚШда синтегик чекиладиган моддалар натижасида оламдан ўтганлар сони сезиларли даражада ортгани хабар қилинган эди.