Наманган шаҳрида яшовчи Шокир Қаюмов ўзига тегишли “Шарқ юлдузи улгуржи савдо” МЧЖ орқали бир қатор ноқонуний савдо операцияларни амалга оширганликда айбланиб суд қилинди. “Ҳуқуқ” нашрининг маълум қилишича, у муқаддам судланган эди.

Жумладан, Қаюмов “Юксак имкон дизайн қурилиш” хусусий корхонаси раҳбари билан келишган ҳолда унга 227 млн сўмлик маҳсулотни етказиб берган. 11та якка тартибдаги тадбиркорга маълумотнома олмай 944 млн сўмлик маҳсулотларни пул кўчириш йўли билан сотиб юборган.

Бу операциялар асносида МЧЖнинг 232 млн сўмдан ортиқ муддати ўтган дебетор қарзлари ҳамда 11 млн сўм иш ҳақи, 185 млн сўм солиқ ва бошқа мажбурий тўловлар тўланмай қолган.