Қозоғистон президенти Нурсултон Назарбоев янги Меҳнат кодексини тасдиқлади, деб хабар беради Оқ Ўрда матбуот хизмати.

“Давлат раҳбари Қозоғистон Республикасининг янги Меҳнат кодексини имзолади; ушбу ҳужжат Миллат режаси – 5 институционал ислоҳотлар реализацияси бўйича 100 конкрет қадам доирасида меҳнат муносабатлари тизимини модернизация қилиш мақсадида ишлаб чиқилди”, - дейилади хабарномада.

Илгарироқ ушбу янги кодекс лойиҳаси кўпчилик фуқароларнинг норозилигига сабаб бўлган эди, негаки ундаги янги чоралар иш берувчиларга хоҳлаган пайтда меҳнат шартномасини бекор қилиш имкониятини беради.