Олмаотада ҳайдовчиларга бепул ёрдам берувчи парковкачилар пайдо бўлди. Бу ҳақда Олмаота ҳокимияти ўзининг Instagram’даги саҳифасида маълум қилди.

“Ҳайдовчилар диққатига! “Алматы спецтехпаркинг сервис” компанияси кийимига эътибор беришингизни сўраймиз. Бу компания ходимлари фаолияти шаҳар кўчаларида ҳайдовчиларга автомобилни парковка қилишда бепул ёрдам беришга қаратилган. Кийимда “Бепул” деган ёзув, персонал бейж, ташкилот номи ва телефони бор. Бошқа кийимдаги парковкачиларни аниқласангиз, 109 ёки 380 05 16 телефон рақамига қўнғироқ қилишингизни сўраймиз”, дейилмоқда хабарда.

Аввалроқ Олмаотада ноқонуний парковкачиларни ушлаш бўйича рейд ўтказилган эди.