Украина президенти Пётр Порошенко украиналик қаҳрамонлар ёдгорлигини яратиш бўйича ташкилий қўмита таркибини тасдиқлаш ҳақидаги фармонни имзолади. Бу ҳақда Порошенко сайтида маълум қилинди.

“Ташкилий қўмита Киевда украиналик қаҳрамонлар ёдгорлигини яратиш бўйича таклифни ишлаб чиқиши ва Вазирлар Маҳкамасига кўриб чиқиш учун тақдим қилиши керак”, дейилмоқда хабарда.

Қўмита раҳбарлари этиб Украина бош вазири Арсений Яценюк ва президент маъмурияти бошлиғи Борис Ложкин тайинланди.

Аввалроқ Киевда “майданда” ҳалок бўлганлар хотирасига ёдгорлик ўрнатилгани маълум бўлганди.