Россия президенти Владимир Путин Туркманистон президенти Гурбангули Бердимухамедов билан учрашуви давомида Каспий денгизи устидаги ҳаво ҳудуди хавфсизлигини муҳокама қилишди.

“Бизнинг минтақадаги дўстларимизнинг Каспий денгизи устидаги ҳаво ҳудудидан фойдаланиш борасидаги хавотирлари борасида айтадиган бўлсак, қозоғистонлик дўстларимиз ҳозирча ҳеч нарса дейишмади, бироқ биз буни инобатга оламиз. Биз баъзи ноқулайликлар пайдо бўлаётганини тушунамиз, бироқ биз сиз билан Россия томонидан террорчиликка қарши кўрилаётган барча саъй-ҳаракатларнинг жабр-жафоси авваламбор Россиянинг зиммасига тушишини биламиз. ИШИД ва бошқа шу каби террорчилик гуруҳлари ҳеч кимни аяб ўтирмайди, улар ваҳшийликлар билан шуғулланишади, жумладан фуқаролик кемаларини ҳам аяшмайди”, деб айтди Путин.

“Шунинг учун, агар қандайдир ноқулайликлар туғилса, уларни албатта минималлаштириш керак. Бироқ бизнинг самолёт билан боғлиқ фожиали тажрибага эга бўлиб, биз айбдорларни жазолаш учун буни зарур деб ҳисоблагунимизча қиламиз. Бу операциялар абадий ўтказилмайди, мен бошидан айтганман, улар вақтинчалик кўринишга эга. Бу Сурия армиясининг террорчилик гуруҳларини бостириш бўйича ҳужумкор операция билан боғлиқ”, деб қўшимча қилди Путин. Унинг таъкидлашича, Сурия ихтилофи сиёсий усуллар билан ечилган ва буёғига ҳам шу йўл билан ечилади ҳамда бу масала Эрон раҳбарияти билан муҳокама қилинган.

Ўз навбатида, Бердимухамедов “қозоғистонлик ҳамкасблар Каспий денгизи устида содир бўлаётган масалалардан хавотирланмоқдалар, бу ҳарбий масалалар билан ҳам боғлиқ” деб айтди. Унинг айтишича, шу муносабат билан фуқаролик халқаро авиаалоқаси билан боғлиқ масалалар пайдо бўлмоқда. “Яъни барча йўналишлар, эшелон ва ҳаракатлар масалалари бўйича авиаалоқани ўзгартириш керакми? Шундай хавотирланиш бор, сиз биласизми, йўқми, билмайман. Қозоғистонлик ҳамкасбларимиз бу ҳақда хавотирланмоқдалар”, деб айтди Бердимухамедов.

Путин Россиянинг барча яқин иттифоқчилари ва стратегик ҳамкорлари бу масалага тушуниш билан ёндашадилар, деб умид билдирди. “Биз Венада бўлаётган жараён ижобий натижаларга олиб келишига умид билдирамиз”, деб айтди Путин.