Қозоғистон фуқароси Россияга адёллар орасида ўтиб олишни истади, дея хабар қилди Tengrinews.kz мамлакат чегара хизмати маълумотига асосланган ҳолда.

“22 ноябрь куни 23:55да Қозоғистон-Россия чегарасидаги "Жайсан авто" транспорт-чегара назорат бўлимида Қозоғистондан Россияга йўл олган "Мерседес" юк автомобили чегарачилар томонидан текширилаётган вақтда кабинанинг ётоқ қисмида 27 ёшли ҚР фуқароси яшириниб олгани аниқланди”, - дейилади чегара хизмати пресс-релизида.

Кейинроқ маълум бўлишича, мазкур фуқаро Қозоғистондан хорижга чиқиши тақиқланган шахс бўлиб чиқди.

Чегара хизмати хабарига кўра, қўлга олинган шахсга нисбатан мамлакат қонунчилигидаги чегараларни ноқонуний кесиб ўтишга оид бандлар юзасидан чора кўрилади.