Қозоғистоннинг Атирау вилоятида Ўзбекистон фуқароларини мунтазам равишда тунаб келган икки полиция ходимига нисбатан жиноий иш қўзғатилди.
Ак Жайик” хабарига кўра, 2015 йилнинг 18 июлида 38 ёшли ўзбекистонлик аёл вилоят ИББга мурожаат қилиб, “Коктем” бозори яқинида ўзини миграцион полицияси ходимлари деб таништирган икки полициячи қамоққа олиш билан таҳдид қилган ҳолда “Самсунг” телефони ва 107 минг танга пул бўлган аёллар сумкасини тортиб олган. Худди шундай шикоят билан июль, август ва сентябрь ойларида яна уч нафар Ўзбекистон фуқароси мурожаат қилган.
Суриштирув-тергов жараёнида гумондорлардан бири ўз айбини тан олиб, июль-август ойлари давомида “Тойота-Камри” хизмат автомобилида савдо билан шуғулланадиган Ўзбекистон фуқароларини тунаганини маълум қилди. Етказилган умумий зарар миқдори эса 800 минг тангадан ошган.