Тожикистон президенти Эмомали Раҳмонга “миллат раҳнамоси” рутбаси берилади.
“Тожикистонда қуйи палата депутатлари томонидан “Тинчлик ва бирлик асосчиси – миллат раҳбари тўғрисида”ги қонун лойиҳаси ишлаб чиқилди”, - деб хабар берди Тожикистон телеграф агентлиги.

Айни пайтда Эмомали Раҳмонга “миллат раҳнамоси” рутбасини бериш учун тайёрланган қонун лойиҳаси парламент қуйи палатасининг қўмита ва комиссияларида кўриб чиқилмоқда.

Эслатиб ўтамиз, бу ҳақдаги дастлабки таклиф 2015 йил апрелида берилган эди.
2010 йил ёзида Қозоғистон президенти Нурсултон Назарбоевга шундай рутба берилган эди.