ИШИД тарафдорлари сонининг ошиб бориши, гуруҳнинг охирги пайтлардаги фаоллигига жавобан “ал-Қоида” ҳам фаоллашиши мумкин. Бу ҳақда The Wall Street Journal нашри ёзмоқда.

“Ҳозир “ал-Қоида” заифлашган, шу боис улар борлигини эслатиб туриш учун янги операциялар ўтказишни режалаштириши мумкин”, - деди соҳа эксперти Ҳасан Абу Хония. Унинг қўшимча қилишича, айни пайтда ИШИД ва “ал-Қоида” “жиҳоддаги етакчилик” учун ўзига хос пойга уюштирмоқда.

Охирги йилда “ал-Қоида” таркибидаги кўпгина сунний жангарилар ИШИДга қўшилиб кетди. Икки ой муқаддам Нигериянинг “Боко Ҳаром” гуруҳи ҳам ИШИДга садоқат изҳор қилди.
Мақола муаллифининг фикрича, Малида Radisson Blu меҳмонхонасига уюштирилган ҳужумни “ал-Қоида”нинг “ўзи ҳақида эслатиб қўйиш” борасида акти сифатида баҳоланиши мумкин.