WSJ: Олланд “буюк ва ягона” аксилтеррорчилик коалициясини қуришни бошламоқда

Жаҳон 23 Ноябрь 2015 2513

23 ноябрдан Франция президенти Франсуа Олланд ИШИД жангариларига қарши курашувчи коалиция тузишга қаратилган бир қатор дипломатик учрашувларни бошлайди, деб ёзмоқда The Wall Street Journal нашри.

Таъкидланишича, Олланднинг “дипломатик юриши” 24 ноябрдан Парижда Буюк Британия бош вазири Дэвид Кэмерон билан учрашувдан бошланади, сўнгра Вашингтонда ва Москвада АҚШ ва Россия президентлари билан давом этади ва Хитой президенти Си Цзиньпин билан келаётган якшанба куни якунланади.

Нашрнинг таъкидлашича, Парижга ҳужумлар уюштирилиши Олландни халқаро ҳарбий координаторга айлантирди. Бироқ Франция расмий шахслари террорчилар устидан ғалаба қозониш учун Олландга глобал уюшма керак, деб ҳисоблашмоқда.

Мақола муаллифининг фикрича, яқин ҳафталарда Олланд ўзининг халқаро ҳамкасбларига Париж иқлим бўйича халқаро анжуманни ўтказиш учун хавфсиз жой эканлигини исботлашига тўғри келади. 30 ноябрда ўтадиган ушбу тадбирга 140 та давлат раҳбари келиши кутилмоқда, шу сабабли Франция Париж ва бошқа шаҳарларда фаолларга режалаштирилган маршларни ўтказишни тақиқлаб қўйди.

Бироқ “буюк ва ягона” коалицияни тузиш учун Олланд “халқаро тўсиқларни” айланиб ўтиш усулларини топиши ва турли давлатларнинг ички муаммоларини ҳисобга олиши лозим.

Буюк Британия бош вазири ҳозирча ИШИДга қарши курашга қўшилишдан бош тортмоқда, чунки унга ҳарбий ҳаракатларни бошлаши учун парламент розилиги керак бўлади. Ушбу масала бўйича Буюк Британия парламентида овоз бериш жараёни Олланднинг ҳафсаласини пир қилиши мумкин, чунки 2013 йилда парламент Сурияда ҳарбий операциянинг бошланишини қўллаб-қувватламаган ва баъзи парламент аъзоларининг фикрича, бу ҳолат қайтарилиши мумкин.

АҚШ ва Россияни коалицияга қўшилишга кўндириш ҳам муваффақиятсизлик билан тугаши мумкин, чунки Барак Обама ҳали ҳам Владимир Путин билан ҳамкорлик қилишга хавотир билан қарамоқда.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13764 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67864 Жамият
Кун.uz офис изламоқда
15:48 / 06.08.2017 37016 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 526 Жаҳон
Саакашвили Украинага қачон қайтишини маълум қилди 
01:15 1034 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 976 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар