Қирғизистоннинг Ўш вилоятида зилзиладан азият чеккан аҳолига ёрдам кўрсатилмоқда. Бу ҳақда ҚР ФВВ матбуот хизмати хабар берди.

Жумладан, давлат захирасидан 30 тонна ун, 8 тонна ёғ, 5 тонна шакар, 400 дона адёл, 14та печ ажратилди. Ўш мэрияси ун, макарон, дори воситаларини етказиб берди. Қизил ярим ой миллий жамияти тармоғидан ҳам адёллар, ошхона гигиеник жамланмалар етказилиб, тарқатилди.

Кўмир шахталари эса 300 тонна қаттиқ ёнилғи, Транспорт ва коммуникация вазирлиги 66та контейнер ажратди.
Шунингдек, компания ва ташкилотлар ҳам ўз ёрдамини тақдим этмоқда.