“Ўзбекнаво” эстрада бирлашмаси Тамила тахаллуси остида ижод қилувчи Эсмеральда Рахматованинг лицензиясини қайтарди. Бу ҳақда Sayyod.com сайти хабар берди.
Эълон қилинган лицензия фотосуратидан кўриш мумкинки, лицензия “Ўзбекнаво” эстрада бирлашмасининг 2015 йил 10 ноябрдаги буйруғи асосида тақдим этилган. Тамила ушбу лицензия орқали Ўзбекистон ва хорижда концерт-томоша йўналиши бўйича фаолиятини олиб бориш ҳуқуқига қайтадан эга бўлди.


Эслатиб ўтамиз, “Ўзбекнаво” эстрада бирлашмаси 2015 йил 1 июлдан Сабиров Анвар Каримович, Рахматова Эсмеральда Нажмиддиновна (Тамила) ва Умарова Камила Рахматуллоевна (Ягона)лар томонидан Ўзбекистон Республикаси Вазирлар Маҳкамасининг 2003 йил 11 ноябрдаги 498-сонли Қарори ҳамда лицензия битимида назарда тутилган талаблар ва шартларни бузганлиги сабабли хонандалар номига берилган лицензиянинг амал қилиши тўхтатилган эди.