АҚШ Давлат департаменти америкаликларни саёҳатларга чиқиш орқали теракт таҳдиди остида қолишлари мумкинлигидан огоҳлантирмоқда.

"Мавжуд маълумотларга кўра, ИШИД, "Ал-Қоида", "Боко Ҳарам" ва бошқа кўплаб экстремистик гуруҳлар кенг кўламли террорчилик хуружларини амалга оширишни режалаштиришган", дейилади хабарда.

Хабарда айтилишича, таҳдидлар ҳақида олдин ҳам огоҳлантириб келинган, лекин ҳозирда таҳдид хавфи кучайган.

Бироз олдинроқ, ФҚБ Атлантада теракт содир этилиши мумкинлиги ҳақида пайдо бўлган хабар тасдиқланмаганини билдирганди.