Россия ҳарбий самолёти билан боғлиқ ҳодиса Сурияда терроризмга қарши кураш бўйича вазиятни мураккаблаштириши мумкин, дея маълум қилди БМТнинг Женевадаги бўлимининг расмий вакили Аҳмад Фаузий 24 ноябрь куни бўлиб ўтган брифингда.

“ОАВ хабарига таянсак, Россия самолётининг Туркия томонидан уриб туширилиши вазиятни мушкуллаштириши мумкин”, - деди Фаузий.

У БМТ ХК терроризм бўйича резолюция қабул қилгани, бироқ бундай кураш барча умуминсоний меъёрларга риоя этилган ҳолда ҳамда қонун ва инсон ҳуқуқлари ҳимоясига асосланиб амалга оширилиши лозимлигини эслаб ўтди.