2015 йилда ИШИД бюджети 2 млрд доллар миқдорида 250 млн доллар профицит билан белгиланган эди. Бу ҳақда Россия Фанлар Академияси Шарқшунослик институти Яқин ва Ўрта Шарқни ўрганиш маркази катта илмий ходими Владимир Сажин маълумот берди.
Унинг айтишича, ИШИД гуруҳи аллақачон квазидавлатчилик хусусиятларига эга бўла бошлади; айни пайтда у Ироқнинг учдан бирини, Суриянинг ярмидан кўпроғини назорат қилмоқда.

ИШИД бюджети Тожикистон ва Қирғизистон сингари давлатлар бюджетига тенг.
Масалан, Тожикистон бюджети йилига ўртача 2.3-2.5 млрд долларни ташкил қилади, 2014 йили эса профицит 24 млн долларга тенг бўлди. Қирғизистон бюджети 2-2.2 млрд долларга тенг, 2014 йилдан у 34 млн доллар дефицит билан чиқди.

Жангарилар эгаллаб олган 90 минг кв км ҳудудда кўплаб корхоналар, шу жумладан, нефть-кимё саноати объектлари ҳам бор. Шунингдек, улар бу ҳудудда яшовчи 8 млн аҳолидан ўлпон тўплайди. Қиёс учун, Тожикистон ҳудуди 142 минг кв км, аҳоли – 8 млн кишидан кўпроқ. Қирғизистон ҳудуди – 198.5 минг кв км, аҳолиси – 6 млн киши.

ИШИД бугун ўзига тегишли ҳудудлардаги 2 трлн долларлик моддий активларни бошқармоқда, унинг йиллик айланмаси эса 3 млрд долларни ташкил қилади, деб хулоса қилди эксперт.