Туркия президенти Ражаб Тойиб Эрдўған Су-24 самолёти Туркия томондан уриб туширилгандан кейин хавфсизлик бўйича йиғилиш чақирди, деб хабар бермоқда Туркия ҳукуматидаги манбаларга иқтибос келтирган ҳолда Reuters ахборот агентлиги.

Йиғилишда Туркия бош вазири Ахмет Довудўғлу, мудофаа вазири ва бир неча нафар вазирлар иштирок этади.

Россиянинг Су-24 бомбардимончи самолёти Туркия чегарасидан 1 км узоқликда Суриянинг Латақия вилоятида турк самолёти томонидан уриб туширилди. Туркия Россияни Суриядаги ҳарбий операция давомида ҳаво ҳудуди бузилаётгани ҳақида бир неча бор огоҳлантирган.

Аввалроқ Туркия Су-24 самолёти билан боғлиқ вазият туфайли АҚШ, Франция, Хитой ва Буюк Британия элчиларини чақиртиргани маълум қилинганди. Ўз навбатида Россия Мудофаа вазирлиги Туркиянинг Россиядаги ҳарбий атташесини чақиртирди.