Европа кенгаши раҳбари Дональд Туск Европа Иттифоқи ва Туркия етакчиларининг миграция инқирози ҳамда ЕИ ва Анқара ўртасидаги муносабатларнинг яхшиланиши масалалари бўйича учрашуви Брюсселда 29 ноябрда бўлиб ўтишини маълум қилди. Туск бу ҳақда ўзининг твиттерида ёзган.    

“Мен ЕИ-Туркия саммитини якшанба, 29 ноябрь куни соат 16.00да чақираман. Саммитдан мақсад муносабатларга янги туртки бериш ва миграция оқимларини чеклашни муҳокама қилишдан иборат”, деб ёзди Туск.

Тускнинг айтишича, “ушбу қарор Еврокомиссиянинг ижобий тавсияси ва Туркия бош вазири Ахмет Довудўғлу билан телефон суҳбатидан кейин қабул қилинган”.