ИШИДнинг Мисрдаги бўлинмаси бўлмиш «Ансор Байт ал-Мақдис» бугун, 24 ноябрь куни Синай ярим оролидаги Эл-Ариш шаҳрида жойлашган меҳмонхона олдида уюштирилган теракт учун жавобгарликни ўз зиммасига олган. Бу ҳақда CNN телеканалининг твиттери орқали маълум қилинган.

Полиция берган маълумотга кўра, ушбу теракт туфайли қурбон бўлганлар сони 5 нафарни, жароҳатланганлар эса 12 нафарни ташкил этган.

Маълумот берилишича, шаҳардаги меҳмонхона олдида машина портлатилган. Кўп ўтмасдан (10 дақиқа ўтиб) террорчи-худкуш танасига ўрнатилган портловчи қурилма ҳаракатга келтирилган.

Ҳалок бўлганлардан бири полициячи эди. Жароҳатланганлардан эса 9 нафари полиция ходимлари, иккиси суд ҳаками.

Бу меҳмонхонада мамлакатда ўтказилган парламент сайловини кузатиш учун келган гуруҳлар аъзолари истиқомат қилаётганди.