Жанубий Кореянинг 10 нафар фуқароси ИШИД террористик гуруҳига тўғридан-тўғри алоқадор экани маълум бўлди, дея хабар бермоқда “Рёнҳап” агентлиги мамлакат разведкаси маълумотига асосланган ҳолда.

“Мамлакат ичкарисида ИШИДни қўллаб-қувватловчи, нафақат қизиқиш билдирган, балки улар билан аниқ алоқа ўрнатган ўн киши аниқланди”, - агентлик Жанубий Корея разведка хизмати маълумотларидан иқтибос келтирмоқда.

Аввалроқ Корея Республикаси ҳукумати халқаро терроризмга алоқадорликда гумон қилиб 48 нафар хорижликни мамлакатдан чиқариб юборгани хабар қилинган эди. Шунингдек, яқиндагина “ал-Қоида” халқаро террористик гуруҳига мансубликда гумон қилинган сохта паспортли Индонезия фуқароси қўлга олинди.