АҚШ давлат котиби Жон Керри NBS телеканалига берган интервьюсида АҚШ ва унинг иттифоқчилари ИШИДга қарши курашни янада кучайтиришлари лозимлигини таъкидлаб ўтди.

“Айта олиш мумкинки, ИШИД ўз жангариларини бошқа давлатлардан келган жангарилар ҳисобига тўлдирди ҳамда уларга ишонч берди”, — деди у.

Унинг сўзларига кўра, ИШИДга қарши курашни айнан Сурия ва Ироқда кучайтириш керак. “Бир йил олдин ИШИДга қарши коалиция йўқ эди”, — деди Керри. Шу боис давлат котиби террорчиларга қарши кураш яқин кунларда янада кучайтирилишини таъкидлаб ўтди.