«Челси» клуби бош мурабийи Жозе Моуриньо «Реал» жамоасидаги муаммолар ҳақида ўз фикрларини билдириб ўтди.

«Мен «Челси»дан 2007 йилда кетганман ва ишни бошқатдан бошлаш учун саккиз ой кутганман. Сўнг «Интер»га кетдим. Бу вақт ичида мен бирор марта интервью бермадим, «Челси» ёки бошқа муаммоли клублар ҳақида бирор сўз айтмадим. Мен саккиз ой сукут сақладим.

Футбол – унинг ичида ишлайдиганлар учун. Мен ҳозирда қийинчиликни бошдан кечираётган клублар ҳақида гапираётган жуда кўп одамларни кўряпман. Бу ҳурмат ва этикага зид.

«Реал»? Мен улар ҳақида фақат ғалаба қозонган вақтларида гапиришим мумкин, ютқазган вақтларида эмас. Класико? У ҳозир мен учун ҳеч нарса эмас.

Мен бошқа жамоалар ютқазаётганда хурсанд бўлмайман. Мен ўз жамоамнинг ғалабаларидан роҳатланаман. Шунинг учун ҳам сўнгги беш ойда унчалик кўп кулмаяпман», – деди Моуриньо.