Туркия томонидан уриб туширилган, Россияга тегишли Су-24 самолётининг иккинчи учувчиси ҳам ҳалок бўлган. Бу ҳақда SkyNews хабар тарқатди.

Бироз олдинроқ, CNN телеканалининг Туркиядаги бўлими вакили Эзги Жанкуртаран ўз твиттери орқали Су-24 самолётини ҳалокатдан олдин тарк этган учувчилардан бири ҳалок бўлганини билдирганди.

Бироз олдинроқ, Россия президенти Владимир Путин Су-24 самолётининг уриб туширилишини ортдан берилган зарба деб атаганди.

Эслатиб ўтамиз, 24 ноябрь, сешанба куни Туркия Россиянинг Су-24 бомбардимончи самолётини уриб туширди.

Аввалроқ Туркия томони Суриядаги ҳарбий операцияни ўтказиш давомида Россия Туркия ҳаво кенгликларини бузиб ўтаётгани муносабати билан Россияни огоҳлантирганди.
Россия Мудофаа вазирлиги вакилларининг таъкидлашича, самолёт фақат Сурия ҳудудида парвоз қилган.