Сурия ҳудудидаги Туркман тоғларига қулаб тушган ҳарбий самолёт Россияга тегишли бўлган. Бу ҳақда Туркиянинг Haberturk нашри хабар тарқатган.

Аниқлик киритилишича, учувчилар самолёт қулашидан олдин самолётни тарк этган. Улардан бири айни вақтда қидирилмоқда. CNN Turk хабарига кўра, учувчи туркманлар қўлида асирликда.

Баъзи хабарларга кўра, Россия ҳарбий ҳаво кучларига тегишли Су-24 самолёти Туркиянинг F-16 самолёти томонидан у чегарани бузиб ўтгани учун уриб туширилган.