Ўзбекистон Афғонистонга йўл олган Россиянинг 26та «Камаз» юк машинасини ўз ҳудуди орқали ўтишига ижозат берди.

Автомашиналар колоннаси Термиздан Афғонистоннинг Мозори Шариф (мамлакат шимолидаги Балх провинцияси маъмурий маркази) томонга кузатиб қўйилди.
Россия Федерациясининг Мозори Шарифдаги бош консули Дмитрий Кабаев маълумотларига кўра, барча автотехникалар БМТнинг Афғонистон шимолига инсонпарварлик юкларини етказиш учун Озиқ-овқат дастурига етказиб берилган.

“Россия қўшни Афғонистонга келгусида ҳам зарур ёрдамларни кўрсатишга тайёр”, - деди россиялик дипломат Ariana news афғон телеканалига берган интервьюсида.