Ўзбекистонлик парламентарийлар пенсияга чиқиш учун минимал стажни 5 йилдан 10 йилга узайтиришни таклиф қилмоқда. Бу ҳақда кейинги йил учун бюджет мурожаатида айтилди.

Ташаббус муаллифларининг фикрича, бу “фуқароларнинг ўз пенсион ҳуқуқларини шакллантиришдан манфаатдорлигини оширишга, республикада пенсиянинг ўртача даражасини кўтаришга, шунингдек, меҳнат стажини пенсия ҳажми билан боғлашга имкон беради”.

Жараён уч босқичда амалга оширилади: 2016 йилдан минимал талаб 7 йилга, 2017 йилдан 9 йилга ва 2018 йилдан 10 йилга етказилади.

Қонунчиларнинг таъкидлашича, бу таклиф халқаро тажриба ҳолатларидан келиб чиқади. Халқаро меҳнат ташкилоти конвенциясига биноан ёш пенсияси учун талаб қилинадиган минимал стаж 15 йил қилиб ўрнатилган. Кўпгина давлатларда, шу жумладан, МДҲда ҳам бу кўрсаткич айни пайтда 10-15 йилни ташкил қилмоқда.

Статистик маълумотларга қараганда, республика фуқароларининг 90 фоизи ўртача 57-63 ёшда пенсияга чиқади. Бунда биринчи кўрсаткич аёлларга, иккинчиси эса эркакларга тегишлидир.

Ҳозирликда мамлакатнинг асосий молиявий ҳужжати парламентнинг юқори палатасига киритилган. 3 декабрь куни ўтадиган пленар йиғилишда у кўриб чиқилади. Бундай меъёр жорий қилиниш-қилинмаслигини йиғилиш якунлари кўрсатади.