Россия Мудофаа вазирлиги томонидан маълум қилинишича, Сурия ва Туркия чегараси ҳудудида уриб туширилган Су-24 самолёти Туркиянинг ҳаво кенгликларини бузиб ўтмаган. Бу ҳақда вазирликнинг твиттердаги саҳифасида маълум қилинган.

"Россияга тегишли Су-24 русумли ҳарбий бомбардимончи самолёт Хмеймим авиабазасига қайтаётганида Туркиянинг F-16 русумли қирувчи самолёти томонидан уриб туширилган", дейилади хабарда.

Самолёт Суриянинг Латакия вилоятига қулаган. Бунгача Туркия томони Россияни Суриядаги ҳарбий операция давомида Туркия ҳаво кенгликларини бузиб ўтаётгани юзасидан огоҳлантирган эди.

Россия президенти Владимир Путин бу воқеа ҳақида қилган чиқишида Су-24 самолёти Туркия билан чегарадан 1 км ичкарида қулаганини маълум қилган.