Россиянинг Истанбул шаҳридаги консулхонаси атрофида бугун Сурия билан чегарада Туркия томонидан Россиянинг Су-24 русумли бомбардимончи ҳарбий самолёти уриб туширилганидан кейин тартибни сақлаш чоралари доирасида турк махсус хизматлари ҳимоя ҳалқаси ташкил қилишди. Бу ҳақда Sky News хабар тарқатган.

Россияга тегишли Су-24 самолёти Суриянинг Латақия вилояти ҳудудида, Туркия билан чегара чизиғидан 1 км ичкарида уриб туширилди.

Туркия томони бу самолётни ўз ҳаво чегарасини бузганлиги учун огоҳлантирган, самолёт ортга қайтмагач, уни "ҳаво-ҳаво" ракетаси билан уриб туширганини маълум қилган.

Россия Мудофаа вазирлиги эса самолёт фақат Сурия ҳудудида ҳаракатланганини таъкидлаган.

Россия президенти Владимир Путин бу ҳодисани жиноят деб атади.

Ўз навбатида Туркия бош вазири Аҳмад Довудўғли мамлакат ўз хавфсизлигини таъминлаш учун барча чораларни қўллашга ҳақли эканини таъкидлаган.