Швеция ҳукумати одатий қочқинлар бошпаналаридан жой етишмаётгани сабабли муҳожирлар учун сув устидаги вақтинчалик тураргоҳлар қидиришни бошлади, дея хабар бермоқда ТАСС.

Шу муносабат билан мамлакат миграцион бошқармаси кема ва платформалар эгалари учун тендер эълон қилди.

Қочқинларга бошпана тақдим этувчилар муҳожирлар таъминотини тўлиқ зиммасига олишлари лозим. Турар-жойлар ётоқ жойларидан ташқари, ошхона, телевизорли меҳмон кутиш ва болалар учун ўйин хоналари билан таъминланган бўлиши лозим.

Шунингдек, қочқинлар интернетга ҳам улана олишлари керак.
Сувда сузувчи янги бошпана келгуси йил аввалидан фаолиятини бошлайди.
Айни пайтда эса Швецияда 150 минг нафар қочқин бошпана топган.